കോഴിക്കോട്: കൊയിലാണ്ടിയിൽ വാഹനാപകടത്തിൽ 3 എംബിബിഎസ് വിദ്യാർത്ഥികൾ മരിച്ച സംഭവത്തിൽ ദുരൂഹത. അപകടത്തിനു ശേഷം പ്രദേശവാസികൾ സ്കൂട്ടറിന് പിന്നിൽ മറ്റൊരു വാഹനമുണ്ടായിരുന്നോ എന്ന സംശയം ഉയർത്തിയിട്ടുണ്ട്.
സ്കൂട്ടറിന്റെ പിറകു ഭാഗം തകർന്നതും ഇതിന് കാരണം എന്നാണു നാട്ടുകാർ പറയുന്നത്. പോലീസ് സിസിടിവി ദൃശ്യങ്ങൾ പരിശോധിച്ചുവരികയാണെങ്കിലും അപകടത്തിന്റെ വ്യക്തമായ ദൃശ്യങ്ങൾ ലഭിച്ചിട്ടില്ല.
കുറുവങ്ങാട്ടിലാണ് പുലർച്ചെ 2.30 ഓടെ അപകടം നടന്നത്. മലബാർ മെഡിക്കൽ കോളേജിലെ വിദ്യാർത്ഥികളാണ് മരിച്ചത്. നന്ദകിഷോർ, അഭിയാൻ, അഭിനവ് എന്നിവരാണ് മരിച്ചത്.
വടകര ഡിവൈഎസ്പിയും സ്ഥലത്തെ പോലീസ് സംഘവും സംഭവ സ്ഥലം പരിശോധന നടത്തുകയായിരിക്കുന്നു. രക്ഷാപ്രവർത്തനവുമായി ബന്ധപ്പെട്ട വിവരങ്ങളും സൂക്ഷ്മ പരിശോധനകളും നടത്തി, അപകടകാരണം കണ്ടെത്താനാണ് പൊലീസ് നീക്കം.
