തിരുവനന്തപുരം: ഗതാഗത നിയമലംഘനങ്ങള്ക്ക് ചുമത്തിയിട്ടുള്ള പിഴയില് 50 ശതമാനം ഇളവ് അനുവദിക്കാന് തീരുമാനിച്ച് സര്ക്കാര്. 31/12/2024 വരെ സംഭവിച്ച എല്ലാ ട്രാഫിക്ക് നിയമലംഘനങ്ങള്ക്ക് ചുമത്തിയിട്ടുള്ള പിഴയില് 50 ശതമാനം ഇളവ് അനുവദിക്കാന് ആംനസ്റ്റി പദ്ധതി നടപ്പാക്കും. ഗതാഗത കമ്മീഷണറുടെ ശുപാര്ശ അംഗീകരിച്ചാണ് തീരുമാനം.
ഒരേ വാഹനങ്ങള്ക്ക് നിരവധി ഇ-ചെല്ലാന് പെന്ഡിംഗ് ഉള്ളതും ചില നിയമലംഘനങ്ങള്ക്ക് ഉയര്ന്ന പിഴ അടക്കേണ്ടിവരുന്നതുമാണ് ഇ- ചെല്ലാന് അടയ്ക്കുന്നതില് നിന്നും വാഹന ഉടമകളെ പിന്തിരിപ്പിക്കുന്നത്. ഇ- ചെല്ലാന് കേസുകള് വര്ദ്ധിക്കുന്നതിനനുസരിച്ച് കോടതികളില് കെട്ടികിടക്കുന്ന കേസുകളുടെ എണ്ണവും ഗണ്യമായി കൂടുകയാണ്. അതിനാല് തീര്പ്പുകല്പ്പിക്കാനുള്ള ഇ- ചെല്ലാനുകള്ക്ക് പിഴ തുകയുടെ 50 ശതമാനം ഇളവ് പ്രഖ്യാപിക്കണമെന്നായിരുന്നു ഗതാഗത കമ്മീഷണറുടെ ശുപാര്ശ.
