ന്യൂഡൽഹി: പഹൽഗാം ആക്രമണത്തിൽ പാകിസ്ഥാൻ്റെ പങ്ക് തുറന്നു കാട്ടി ഇന്ത്യ. ഭീകാരക്രമണത്തിൻ്റെ സൂത്രധാരൻ പാകിസ്താൻ തന്നെയെന്നതിന് ഇന്ത്യ തെളിവുകൾ ശേഖരിച്ചു. ഇന്റലിജൻസ് തെളിവുകളും വിശ്വസനീയമായ ചില തെളിവുകളും ഉൾപ്പെടെയുള്ളവയാണ് ഇന്ത്യ ശേഖരിച്ചിട്ടുള്ളത്.
പ്രധാനമന്ത്രി നരേന്ദ്ര മോദി ലോകനേതാക്കളുമായി ഇക്കാര്യം നേരിട്ട് പങ്കുവെക്കുകയും കാര്യങ്ങൾ ബോധ്യപ്പെടുത്തിക്കൊടുക്കുകയും ചെയ്തതായാണ് റിപ്പോർട്ട്.
ആക്രമണം നടത്തിയ ഭീകരരെ കണ്ടാൽ അറിയാവുന്നവരുടെയടക്കം മൊഴികൾ ഇന്ത്യ ശേഖരിച്ചിട്ടുണ്ട്. പാക്കിസ്ഥാനിൽ പരിശീലനം നേടിയ ഭീകരർ ഇന്ത്യയിലേക്ക് നുഴഞ്ഞുകയറി ആക്രമണം നടത്തുകയായിരുന്നു എന്നതിനുള്ള തെളിവുകളും ശേഖരിച്ചിട്ടുണ്ട്.
