തിരുവനന്തപുരം: പാലക്കാട് പനയംപാടത്ത് ചരക്ക് ലോറി മറിഞ്ഞ് അപകടത്തിൽ ജീവൻ നഷ്ടപ്പെട്ട നാല് വിദ്യാര്ത്ഥിനികളുടെ മാതാപിതാക്കള്ക്ക് 2 ലക്ഷം രൂപ വീതം ധനസഹായം നൽകുമെന്ന് മുഖ്യമന്ത്രി. പരീക്ഷ കഴിഞ്ഞ് മടങ്ങവെ പാലക്കാട് – കോഴിക്കോട് ദേശീയ പാതയിലെ പനയംപാടത്ത് വെച്ചാണ് അപകടമുണ്ടായത്. ഇര്ഫാന ഷെറിന്, നിദ ഫാത്തിമ കെ.എം, റിദ ഫാത്തിമ, ഐഷ എ.എസ് എന്നിവരുടെ മാതാപിതാക്കള്ക്കാണ് ധനസഹായം ലഭിക്കുക.
തൃശ്ശൂര് നാട്ടിക ദേശീയ പാതയില് ഉറങ്ങിക്കിടന്നവരുടെ മേല് തടിലോറി പാഞ്ഞുകയറി ഉണ്ടായ അപകടത്തില് മരണപ്പെട്ടവരുടെ ആശ്രിതര്ക്ക് മുഖ്യമന്ത്രിയുടെ ദുരിതാശ്വാസനിധിയില് നിന്നും 2 ലക്ഷം രൂപ വീതം അനുവദിച്ചു. കാളിയപ്പന്, നാഗമ്മ, ബംഗാരി എന്ന രാജേശ്വരി,ജീവന്, വിശ്വ എന്നിവരുടെ ആശ്രിതര്ക്കാണ് ധനസഹായം ലഭിക്കുക.
