തിരുവനന്തപുരം: പാറശ്ശാല ഷാരോണ് വധക്കേസില് വിചാരണ നടപടികള് ഇന്ന് ആരംഭിക്കും. ക്രൈംബ്രാഞ്ച് സമര്പ്പിച്ച കുറ്റപത്രത്തില് 142 സാക്ഷികളും 175 രേഖകളും 55 തൊണ്ടിമുതലുകളും ആണ് ഉള്ളത്. 131 സാക്ഷികളെയാണ് കേസില് കോടതി വിചാരണ ചെയ്യുന്നത്. കൊലപാതകം നടന്ന് രണ്ട് വര്ഷത്തിന് ശേഷമാണ് നെയ്യാറ്റിന്കര സെഷന്സ് കോടതിയില് വിചാരണ നടപടികള് നടക്കുന്നത്.
മറ്റൊരാളെ വിവാഹം കഴിക്കാന് കേസിലെ ഒന്നാം പ്രതിയായ ഗ്രീഷ്മ ആസൂത്രണം ചെയ്ത് നടപ്പാക്കിയ കൊലപാതകമാണ് കാമുകനായ ഷാരോണിന്റേതെന്നാണ് പാറശ്ശാല പൊലീസ് രജിസ്റ്റര് ചെയ്ത കേസ്. കൊലപാതകത്തിനുളള ഗൂഢാലോചനയില് ഗ്രീഷ്മയുടെ അമ്മ സിന്ധു, അമ്മാവന് നിര്മ്മല കുമാരന് നായര് എന്നിവരും ഉള്പ്പെട്ടിരുന്നു. മൂന്നു പ്രതികളും നിലവില് ജാമ്യത്തിലാണ്.
