മലപ്പുറം: മതേതര- ജനാധിപത്യ ഭരണഘടനാ മൂല്യങ്ങൾ തച്ചു തകർത്തു വർഗീയ ഫാസിസ്റ്റ് ശക്തികളുടെ അജണ്ട നടപ്പിലാക്കുന്ന നരേന്ദ്രമോഡി സർക്കാറും ,സമസ്ത മേഖലകളിലും ദുരിതം വിതച്ച് കേരളത്തെ മുച്ചൂടും മുട്ടിച്ച് ഭരണം നടത്തുന്ന പിണറായി സർക്കാരും മാറിക്കിട്ടാനുള്ള പ്രാർത്ഥനയിലും, പ്രവർത്തനത്തിലുമാണ് ജനങ്ങളെന്ന് വാഴക്കാട് മണ്ഡലം കോൺഗ്രസ് കമ്മിറ്റി എടവണ്ണപ്പാറയിൽ സംഘടിപ്പിച്ച ജനപ്രതിനിധികൾക്കുള്ള സ്വീകരണ പൊതുസമ്മേളനം ഉദ്ഘാടനം ചെയ്ത് കൊണ്ട് കെ.പി.സി.സി ജനറൽ സെക്രട്ടറി സന്ദീപ് വാര്യർ പറഞ്ഞു.
വിവിധ മേഖലകളിൽ കഴിവ് തെളിയിച്ച സി.എ. കരീം എളമരം , എ.കെ. ഉണ്ണികൃഷ്ണൻ മാസ്റ്റർ, അൽ ജമാൽ അബ്ദുൽ നാസർ, എന്നിവരെയും ചടങ്ങിൽ അനുമോദിച്ചു.
ചടങ്ങിൽ ബ്ലോക്ക് കോൺഗ്രസ്സ് ഭാരവാഹികളായ കെ.പി.രവീന്ദൻ മാസ്റ്റർ, ഹമീദ് ഊർക്കടവ്, ഷംസുമപ്രം , കെ.ടി. ഷിഹാബ് മണ്ഡലം ഭാരവാഹികളായ എ. കെ .എം.കുട്ടി മപ്രം , യു.കെ. അസൈൻ ,ബാബു എടക്കണ്ടി, മജീദ് കെ.കെ., ടി. അയ്യപ്പൻ കുട്ടി, മാനുട്ടി കുനിക്കാടൻ, ഏനി മുഹമ്മദ്, കെ എംകുട്ടി, കെ.പി. അഹമ്മദ് കുട്ടി, നൗഫൽ, ടി.കെ.നാസർ, രാമചന്ദ്രൻ വെട്ടത്തൂർ , ആസാദ്.ടി, സി.കെ. റഷീദ് സംസാരിച്ചു.
