മലപ്പുറം: പെരിന്തല്മണ്ണ നഗരസഭയിലെ കാദര്മൊല്ല എഎംഎല്പി സ്കൂളിലെ പോളിങ് കേന്ദ്രത്തില് വോട്ടെടുപ്പ് ദിവസം തടസം സൃഷ്ടിച്ചതായി ആരോപിച്ച് ബൂത്ത് ലെവല് ഓഫീസര് എം അനൂപിനെതിരെ പൊലീസ് കേസ് എടുത്തു.
കാദര്മൊല്ല എഎംഎല്പി സ്കൂളിലെ പോളിങ് കേന്ദ്രത്തില് അഞ്ച് ബൂത്തുകളാണ് പ്രവര്ത്തിച്ചിരുന്നത്. വോട്ടര്മാരെ സഹായിക്കാനായി ബിഎല്ഒമാര്ക്ക് തെരഞ്ഞെടുപ്പ് കമ്മീഷന് ചുമതല നല്കിയിരുന്നു. അനൂപ് ഉള്പ്പെടെ അഞ്ച് ബിഎല്ഒമാരാണ് ഡ്യൂട്ടിയിലുണ്ടായിരുന്നത്. ബിഎല്ഒമാര് കൂട്ടംകൂടി നിന്നതായി ആരോപിച്ച് സ്ഥലത്തുനിന്ന് പോകാന് പൊലീസ് ആവശ്യപ്പെട്ടു. എന്നാല് തങ്ങള് വോട്ടര്മാരെ സഹായിക്കാനായാണ് എത്തിയതെന്ന് ബിഎല്ഒമാര് പറഞ്ഞു. വോട്ടര്മാരുടെ ഇടയില് വെച്ച് കയ്യേറ്റം നടത്തിയതായി ആരോപിച്ച് ബിഎല്ഒമാര് റിട്ടേണിങ് ഓഫീസര്ക്ക് പരാതി നല്കിയിരുന്നു. തുടര്ന്നാണ് പൊലീസ് കേസെടുത്തത്.
