ഗവര്ണര് പദവിയില് മാറ്റം വരുത്താന് സാധ്യത. പദവിയില് തുടര്ച്ചയായി മൂന്ന് മുതല് അഞ്ച് വര്ഷം വരെ പിന്നിട്ട സാഹചര്യത്തിലാണ് പുനഃസംഘടനയെന്നാണ് വിവരം. കേരളം, ഉത്തര്പ്രദേശ്, ഗോവ, ഹരിയാന, തമിഴ്നാട് ഉള്പ്പെടെയുള്ള സംസ്ഥാനങ്ങളിലെ ഗവര്ണര്മാരെ മാറ്റിയേക്കുമെന്നാണ് റിപ്പോര്ട്ട്.
കേരള ഗവര്ണറായി ആരിഫ് മുഹമ്മദ് ഖാന് ചുമതലയേറ്റെടുത്തിട്ട് അഞ്ച് വര്ഷം പിന്നിട്ടു. ആരിഫ് മുഹമ്മദ് ഖാനെ മാറ്റി മറ്റൊരു സംസ്ഥാനത്ത് ഗവര്ണര് സ്ഥാനമോ മറ്റൊരു പദവിയോ നല്കുമെന്നാണ് സൂചന. നിലവില് ആന്ഡമാന് നിക്കോബാറിന്റെ ലഫ്. ജനറലായ ദേവേന്ദ്ര കുമാര് ജോഷിക്ക് കേരളത്തിന്റേയോ ജമ്മു കശ്മീരിന്റേയോ ചുമതല നല്കിയേക്കും.
