പാലക്കാട്: പാലക്കാട് പുതുപ്പരിയാരത്ത് കാട്ടാന ആക്രമണത്തില് കൊല്ലപ്പെട്ട കുമാരൻ്റെ പോസ്റ്റ്മോര്ട്ടം പൂര്ത്തിയായി. പോസ്റ്റ്മോർട്ടത്തിൽ കുമാരൻ്റെ വാരിയെല്ലിനും, നട്ടെല്ലിനും, കഴുത്തെല്ലിനും പൊട്ടലുണ്ടായതായി കണ്ടെത്തിയിട്ടുണ്ട്. ആന്തരിക രക്തസ്രാവമാണ് മരണകാരണമെന്നാണ് പ്രാഥമിക നിഗമനം.
പാലക്കാട് ജില്ലാ ആശുപത്രി മോര്ച്ചറിയില് വച്ചായിരുന്നു പോസ്റ്റ്മോര്ട്ടം. ഇന്ന് പുലര്ച്ചെ 3.30നാണ് കുമാരന് നേരെ കാട്ടാന ആക്രമണമുണ്ടായത്. മൂത്രമൊഴിക്കാനായി വിട്ടുമുറ്റത്തേക്ക് ചെന്ന കുമാരനെ കാട്ടാന ആക്രമിക്കുകയായിരുന്നു. പോസ്റ്റ്മോര്ട്ടത്തില് മൃതദേഹം ബന്ധുകള്ക്ക് കൈമാറി.
