പൊതുജനങ്ങള് നല്കുന്ന പരാതികളെയും നിവേദനങ്ങളെയും യാചനയോട് ഉപമിച്ചുകൊണ്ട് ബി.ജെ.പി നേതാവ് പ്രഹ്ലാദ് പട്ടേൽ നടത്തിയ പ്രസ്താവന വിവാദത്തില്.മധ്യപ്രദേശിലെ രാജ്ഗഡ് ജില്ലയില് നടന്ന പ്രതിമ അനാച്ഛാദന ചടങ്ങില് സംസാരിക്കവെയാണ് ഈ പ്രസ്താവന പ്രഹ്ലാദ് പട്ടേൽ നടത്തിയത്. വേദിയില്വെച്ച് കഴുത്തില് മാല അണിയിക്കുന്നതിനൊപ്പം കൈയില് ഒരു നിവേദനും കൂടി നല്കുന്നതാണ് രീതിയെന്നും ഇതൊരു നല്ല കീഴ്വഴക്കമല്ല എന്നും പട്ടേൽ പറഞ്ഞു.
കുടാതെ എല്ലാം സൗജന്യമായി ലഭിക്കുന്നത് സമൂഹത്തെ കൂടുതല് ദുര്ബലമാക്കും. ഇത്തരം യാചകസംഘം സമൂഹത്തെ ശക്തിപ്പെടുത്തുകയല്ല മറിച്ച് കൂടുതല് ദുര്ബലമാക്കുകയാണ് ചെയ്യുന്നത് എന്നും അദ്ദേഹം പറഞ്ഞു.അതേസമയം പൊതുജനങ്ങളെ ഭിക്ഷക്കാരെന്ന് വിളിക്കുന്ന നിലയിലേക്ക് ബി.ജെ.പിക്കാരുടെ അഹങ്കാരം വളര്ന്നിരിക്കുന്നു എന്നും കഷ്ടപ്പെടുന്ന ജനങ്ങളെ പരിഹസിക്കുകയും വ്യാജവാഗ്ദാനങ്ങള് നല്കി കബളിപ്പിക്കുകയുമാണെന്നും ബി.ജെ.പി. നേതാവ് സംസ്ഥാനത്തെ ജനങ്ങളെ അപമാനിച്ചിരിക്കുകയാണെന്ന് മധ്യപ്രദേശ് കോണ്ഗ്രസ് പ്രസിഡന്റ് ജീതു പത്വാരി പറഞ്ഞു.
