ലഖ്നൗ: ഉത്തര്പ്രദേശിലെ ജോന്പൂരില് മതത്തിന്റെ പേരില് യുവതിക്ക് ചികിത്സ നിഷേധിച്ചെന്ന് ആരോപണം. ജില്ലാ ആശുപത്രിയിലെ ഡോക്ടര് പ്രസവം നടത്താന് വിസമ്മതിച്ചുവെന്നാണ് യുവതിയുടെയും ഭര്ത്താവിന്റെയും ആരോപണം. ഷമ പര്വീന് എന്ന സ്ത്രീയാണ് ആരോപണവുമായി രംഗത്തെത്തിയത്. ഒക്ടോബര് രണ്ടിനാണ് സംഭവം നടന്നതെന്നും പറയുന്നു. മുസ്ലീം രോഗികളെ ചികിത്സിക്കില്ലെന്ന് ഡോക്ടര് പറഞ്ഞതായി ഇവര് പറയുന്നത്.യുവതി സംഭവം വിവരിക്കുന്ന വീഡിയോ പുറത്തുവന്നതോടെയാണ് പ്രാദേശിക മാധ്യമങ്ങള് വാര്ത്ത പുറത്തു കൊണ്ടുവന്നത്.
ആശുപത്രിയില് ഉണ്ടായിരുന്ന രണ്ട് മുസ്ലീം സ്ത്രീകളെ ചികിത്സിക്കാന് ഡോക്ടര് വിസമ്മതിച്ചുവെന്ന് ഇവരുടെ ഭര്ത്താവും ആരോപിച്ചു. വര്ഗീയ പ്രശ്നങ്ങള് സൃഷ്ടിക്കരുതെന്ന് ഡോക്ടറോട് ആവശ്യപ്പെട്ടെങ്കിലും അവഗണിച്ചെന്നും പറയുന്നു. മുസ്ലീം രോഗികളെ ഓപ്പറേഷന് തിയേറ്ററിലേക്ക് കൊണ്ടുവരുന്നത് ഒഴിവാക്കണമെന്ന് ഡോക്ടര് എല്ലാ നഴ്സുമാരോടും പറഞ്ഞതായും പര്വീണ് ആരോപിച്ചു. വീഡിയോ വ്യാപകമായി പ്രചരിച്ചിട്ടുണ്ടെങ്കിലും പൊലീസില് നിന്ന് ഔദ്യോഗിക പ്രതികരണമൊന്നും നടത്തിയിട്ടില്ല. അതേസമയം, ജൗന്പൂര് വനിതാ ജില്ലാ ആശുപത്രി ഭരണകൂടം ആരോപണത്തെക്കുറിച്ച് ഡോക്ടറോട് വിശദീകരണം തേടി.
