ഹൈദരാബാദ്: പ്രിസം പബ്ബിൽ ജീവനക്കാരെ ആക്രമിച്ച സംഭവത്തിൽ നടിയും ഇന്ഫ്യൂവെന്സറുമായ കല്പിക ഗണേഷിനെതിരെ കേസ്. ഹൈദരാബാദിലെ ഗച്ഛിബൗലി പോലീസാണ് നടിക്കെതിരെ കേസ് രജിസ്റ്റർ ചെയ്തത്. പ്രിസം പബ്ബിൽ ജീവനക്കാരെ ആക്രമിച്ചത് അടക്കം സംഭവങ്ങളിലാണ് കേസ്.
കൽപിക പബ്ബ് ജീവനക്കാർക്കെതിരെ കൽപിക മോശമായി പെരുമാറുകയും അവരുടെ ദേഹത്തേക്ക് പ്ലേറ്റുകൾ എറിയുകയും, ശാരീരിക അധിക്ഷേപം നടത്തുകയും ചെയ്തുവെന്നാണ് ആരോപണം. പബ്ബിലെ ബില്ല് നടി അടച്ചില്ലെന്നും പബ്ബ് മാനേജ്മെന്റ് പൊലീസില് പരാതി നല്കിയിരുന്നു. അതേസമയം പബ്ബ് ജീവനക്കാർ തന്നോടാണ് മോശമായി പെരുമാറുകയും ആക്രമിക്കുകയും ചെയ്തുവെന്ന് ആരോപിച്ച് കൽപിക രംഗത്തെത്തി.
