ന്യൂഡല്ഹി: യെമനില് വധശിക്ഷ കാത്ത് ജയിലില് കഴിയുന്ന മലയാളി നഴ്സ് നിമിഷ പ്രിയയുടെ വധശിക്ഷയ്ക്ക് ജയില് അധികൃതര്ക്ക് അറിയിപ്പ് ലഭിച്ചതായി സന്ദേശം. സേവ് നിമിഷ പ്രിയ ആക്ഷന് കൗണ്സില് കണ്വീനര് ജയന് ഇടപാളിന് നിമിഷ പ്രിയ തന്നെയാണ് ഓഡിയോ സന്ദേശം ലഭിച്ചത്.
വധശിക്ഷ നടപ്പാക്കാന് തീരുമാനിച്ചെന്നും ഉത്തരവ് ജയിലില് ലഭിച്ചെന്നുമാണ് സന്ദേശത്തിൽ നിമിഷ പ്രിയ പറഞ്ഞിരിക്കുന്നത്. ഇത് സംബന്ധിച്ച് ഒരു അഭിഭാഷകൻ തന്നെ വിളിച്ചറിയിച്ചതെന്നും നിമിഷ പ്രിയ സന്ദേശത്തില് പറയുന്നു.
2017-ൽ യെമന് പൗരനെ കൊലപ്പെടുത്തിയ കേസിലാണ് പാലക്കാട് കൊല്ലങ്കോട് സ്വദേശിയായ നിമിഷപ്രിയയ്ക്ക് വധശിക്ഷ വിധിച്ചിരിക്കുന്നത്. നേരത്തെ നിമിഷ പ്രിയയുടെ മോചനത്തില് മാനുഷിക പരിഗണനയില് ഇടപെടല് നടത്താന് തയ്യാറാണെന്ന് ഇറാന് അറിയിച്ചുവെന്ന തരത്തില് റിപ്പോര്ട്ടുകള് പുറത്തുവന്നിരുന്നു.
