തിരുവനന്തപുരം: സ്വകാര്യബസുകള് അനിശ്ചിതകാല ബസ് സമരത്തിലേക്ക്. ദീര്ഘദൂര ബസുകളുടെയും ലിമിറ്റഡ് സ്റ്റോപ് ബസുകളുടെയും ബസ് പെര്മിറ്റ് യഥാസമയം പുതുക്കി നല്കുക, വിദ്യാര്ഥികളുടെ ടിക്കറ്റ് നിരക്ക് വര്ധിപ്പിക്കുക തുടങ്ങിയ ആവശ്യങ്ങള് ഉന്നയിച്ചാണ് സമരം. ബസ് ഓപ്പറേറ്റേഴ്സ് ഫെഡറേഷന് ഭാരവാഹികള് വാര്ത്താസമ്മേളനത്തിലാണ് ഇക്കാര്യം അറിയിച്ചത്.
പ്രതിഷേധസമരങ്ങള് നടത്തിയിട്ടും സര്ക്കാരിന്റെ ഭാഗത്തുനിന്ന് അനുകൂലനടപടിയുണ്ടായില്ലെന്ന് ഭാരവാഹികള് പറഞ്ഞു. പൊതുജനങ്ങള്ക്ക് ബുദ്ധിമുട്ടുണ്ടാവാത്ത വിധത്തിലുള്ള സമരങ്ങളിലൂടെ മുന്നോട്ടുപോയെങ്കിലും പൊതുഗതാഗതത്തെ തകര്ക്കുന്ന നടപടികളാണ് സര്ക്കാര് സ്വീകരിച്ചതെന്നും അതിനാല് ബസ് സര്വീസുകള് നിര്ത്തിവെച്ചുകൊണ്ടുള്ള സമരത്തിന് നിര്ബന്ധിതരായെന്നും അവര് അറിയിച്ചു.
അടുത്ത ദിവസങ്ങളില് സമരത്തിന്റെ തിയ്യതി പ്രഖ്യാപിക്കും. മറ്റു ബസുടമ സംഘനകളുമായും തൊഴിലാളി സംഘടനകളുമായും ചര്ച്ച നടത്തിയതിന് ശേഷമാണ് ഇത് പ്രഖ്യാപിക്കുക.
