ന്യൂഡല്ഹി: ലോക്സഭയിലെ വഖഫ് നിയമ ഭേദഗതി ബില് ചർച്ചയില് പങ്കെടുക്കാതെ പ്രിയങ്ക ഗാന്ധി. ചർച്ചയുടെ ഒരു ഘട്ടത്തിലും പ്രിയങ്ക പങ്കെടുത്തില്ല. വിപ്പ് നൽകിയിട്ടും പങ്കെടുത്തിരുന്നില്ല. പ്രിയങ്കയുടെ അസ്സാന്നിധ്യത്തിന്റെ കാരണം പ്രിയങ്കയും പാർട്ടിയും ഔദ്യോഗികമായി വ്യക്തമാക്കിയിരുന്നില്ല.
ഇപ്പോള് പ്രിയങ്കയുടെ അസാന്നിധ്യത്തെ കുറിച്ച് വിശദീകരണം പുറത്തെത്തിയിരിക്കുകയാണ്. അടുത്ത സുഹൃത്തിന്റെ ചികിത്സാര്ഥം പ്രിയങ്ക വിദേശത്താണെന്നാണ് വിവരം. വിദേശ യാത്ര ലോക്സഭ സ്പീക്കറെയും കോണ്ഗ്രസ് പാര്ലമെന്ററി പാര്ട്ടിയെയും അറിയിച്ചിരുന്നുവെന്നും സ്പീക്കര്ക്ക് രേഖാമൂലം കത്തു നല്കിയിരുന്നെന്നും പാര്ലമെന്ററി പാര്ട്ടി വൃത്തങ്ങള് അറിയിച്ചു.
വഖഫ് ഭേദഗതി ബില് കേന്ദ്ര നിയമ മന്ത്രി കിരണ് റിജു അവതരിപ്പിച്ച സമയത്ത് രാഹുല് ഗാന്ധിയും പ്രിയങ്ക ഗാന്ധിയും ലോക്സഭയിലുണ്ടായിരുന്നില്ല. അല്പസമയത്തിനുശേഷം സഭയിലെത്തിയ രാഹുല് ചര്ച്ചയില് പങ്കെടുക്കുകയും എതിര്ത്ത് വോട്ട് രേഖപ്പെടുത്തുകയും ചെയ്തിരുന്നു. ഇതോടെ പ്രിയങ്കയുടെ അസാന്നിധ്യം വാര്ത്തയായി. ചൊവ്വാഴ്ച ഉച്ചയ്ക്കു ശേഷമാണ് പ്രിയങ്ക വിദേശത്തേക്ക് പോയത്. സ്പീക്കര്ക്ക് കത്ത് നല്കിയിരുന്നു. അനുമതി ലഭിച്ചതിനു ശേഷമാണു യാത്ര നടത്തിയതിനാൽ വിപ്പ് ലംഘനത്തിന്റെ വിഷയം ബാധിക്കില്ലെന്നാണ് കോൺഗ്രസ് പാർലമെന്റി കമ്മിറ്റി നല്കുന്ന വിശദീകരണം.
അതേ സമവഖഫ് നിയമ ഭേദഗതി ബില് ചർച്ചയില് പങ്കെടുക്കാതെ സുഹൃത്തിനെ കാണാൻ വിദേശത്തേയ്ക്ക് പറന്നു പ്രിയങ്ക ഗാന്ധിയം വഖഫ് നിയമ ഭേദഗതി ബില്ലിലെ കോൺഗ്രസ് നിലപാടിൽ ഒരു മാറ്റവുമില്ലെന്ന് സോണിയ ഗാന്ധി വ്യക്തമാക്കി. ബില്ല് അടിച്ചേൽപ്പിക്കുകയായിരുന്നു. ഭരണഘടന ലംഘനമാണ് നടന്നത്. ബിജെപിയുടെ ധ്രുവീകരണ അജണ്ടയാണ് ബില്ലിന് പിന്നിലെന്നും സോണിയ ഗാന്ധി പറഞ്ഞു.
