മലപ്പുറം : പുലാമന്തോൾ ഗ്രാമപഞ്ചായത്ത് എൽ.പി തല കായിക മേള ആലഞ്ചേരി ഗ്രൗണ്ടിൽ അരങ്ങേറി. പതിനൊന്ന് സ്കൂളുകളെ പങ്കെടുപ്പിച്ചുകൊണ്ടുള്ള കായികമേളയ്ക്ക് ഇത്തവണ ആതിഥേയത്വം വഹിച്ചത് എ. യു.പി സ്കൂൾ പുലാമന്തോൾ ആണ്. എ.യു.പി സ്കൂൾ പിടിഎ പ്രസിഡണ്ട് സത്യപാലന്റെ അധ്യക്ഷതയിൽ നടന്ന ചടങ്ങിൽ വളപുരം ജി. എം. യു പി സ്കൂൾ പ്രധാന അധ്യാപകൻ ഷാജിമോൻ മാസ്റ്റർ ഉദ്ഘാടനം നിർവഹിച്ചു.
ചടങ്ങിൽ എയുപിഎസ് സ്കൂളിന്റെ പ്രധാനാധ്യാപകൻ സുനിൽ മാസ്റ്റർ സ്വാഗതം പറഞ്ഞു. ചെറു ബാല്യങ്ങളുടെ ഈ പോരാട്ടത്തിന് സഹപാഠികളും അധ്യാപകരും നാട്ടുകാരും രക്ഷിതാക്കളും സാക്ഷ്യം വഹിച്ചു. വൈകുന്നേരം നടന്ന സമാപന സമ്മേളനത്തിൽ പെരിന്തൽമണ്ണ ബി.പി.സി സന്തോഷ് കുമാർ, പെരിന്തൽമണ്ണ എ. ഇ.ഒ കുഞ്ഞു മൊയ്തു എന്നിവർ പങ്കെടുത്തു. വാശിയേറിയ പോരാട്ടത്തിനൊടുവിൽ എ.യു.പി.എസ് ചെമ്മല ജേതാക്കളായി. ചടങ്ങിൽ പ്രധാനധ്യാപകർ, പി. ടി.എ എക്സിക്യൂട്ടീവ് അംഗങ്ങൾ എന്നിവർ പങ്കെടുത്തു.
