ന്യൂഡൽഹി: ഉത്തർപ്രദേശിലും ഉത്തരേന്ത്യയുടെ വിവിധ ഭാഗങ്ങളിലും ദളിത് വിവേചനം ഇന്നും തുടരുകയാണെന്ന് കോൺഗ്രസ് നേതാവ് രാഹുൽ ഗാന്ധി. രാജ്യസഭ പ്രതിപക്ഷ നേതാവ് മല്ലികാർജുന് ഖർഗെ എത്തിയ സ്ഥലത്ത് ശുദ്ധികലശം നടത്തിയെന്നും രാജസ്ഥാനിലെ പ്രതിപക്ഷ നേതാവ് ക്ഷേത്രത്തിലെത്തിയതിന് പിന്നാലെയും ശുദ്ധികലശം നടത്തിയെന്നും രാഹുൽ ഗാന്ധി ആരോപിച്ചു. ഇത്തരം സംഭവങ്ങൾക്ക് പിന്നിൽ ബിജെപിയാണെന്നും അദ്ദേഹം ആരോപിച്ചു.
വിദ്യാലയങ്ങളിലും ചായക്കടകളിലും വിവാഹച്ചടങ്ങുകളിലും കുടിവെള്ളം ഉപയോഗിക്കുന്നതിലുമടക്കം സമൂഹത്തിന്റെ വിവിധ മേഖലകളിൽ ദളിതർക്കെതിരായ വിവേചനം തുടരുകയാണെന്ന് രാഹുൽ ഗാന്ധി പറഞ്ഞു. ബിജെപിയും ആർഎസ്എസും ദളിത് നേതാക്കളെ അധിക്ഷേപിക്കുകയാണെന്നും അദ്ദേഹം വിമർശിച്ചു.
ദളിതർ എത്തിയ സ്ഥലങ്ങളിൽ ശുദ്ധീകരണ ചടങ്ങുകൾ നടത്തിയ സംഭവങ്ങൾ ബിജെപി-ആർഎസ്എസ് പ്രവർത്തകരാണ് നടത്തിയതെന്നും രാഹുൽ ഗാന്ധി ആരോപിച്ചു. ഇത്തരം നടപടികൾ കുറ്റകരമാണെന്നും ദളിതർക്കും തുല്യ ബഹുമാനം ലഭിക്കണമെന്ന ആവശ്യം അംഗീകരിക്കാൻ ചിലർ തയ്യാറാകുന്നില്ലെന്നും അദ്ദേഹം പറഞ്ഞു.
മല്ലികാർജുന് ഖർഗെയ്ക്കെതിരെ ഉണ്ടായ നടപടിയിൽ കോൺഗ്രസ് നേതാക്കൾ പിന്തുണച്ചില്ലെന്ന് ഖർഗെ പറഞ്ഞിട്ടില്ലെന്നും ചിലർ പിന്തുണച്ചില്ലെന്നാണ് അദ്ദേഹം വ്യക്തമാക്കിയതെന്നും രാഹുൽ ഗാന്ധി പറഞ്ഞു. താൻ ഖർഗെയെ പിന്തുണച്ചിരുന്നുവെന്നും അദ്ദേഹം വ്യക്തമാക്കി.
ഖർഗെയുമായി ബന്ധപ്പെട്ട വിഷയം വലിയൊരു പ്രശ്നത്തിന്റെ ചെറിയൊരു ഭാഗം മാത്രമാണെന്നും രാഹുൽ ഗാന്ധി പറഞ്ഞു. “മഞ്ഞുമലയുടെ ചെറിയ ഭാഗം മാത്രമാണിത്. ഒരു മുതിർന്ന നേതാവിന്റെ അവസ്ഥ ഇതാണെങ്കിൽ മറ്റുള്ളവരുടെ അവസ്ഥ എന്തായിരിക്കും?” എന്നും അദ്ദേഹം ചോദിച്ചു.
കുറ്റവാളികളെ രക്ഷപ്പെടാൻ അനുവദിക്കില്ലെന്നും രാഹുൽ ഗാന്ധി വ്യക്തമാക്കി. പ്രധാനമന്ത്രിയുടെ പ്രത്യയശാസ്ത്രത്തിന്റെ പ്രതിഫലനമാണ് ഇത്തരം സംഭവങ്ങളെന്നും അദ്ദേഹം ആരോപിച്ചു.
ഖർഗെയുമായി ബന്ധപ്പെട്ട വിഷയത്തിൽ നിന്ന് ശ്രദ്ധ തിരിക്കാനുള്ള ശ്രമം നടത്തില്ലെന്നും ഇപ്പോൾ തന്റെ ശ്രദ്ധ ഖർഗെയുടെ വിഷയത്തിലാണെന്നും രാഹുൽ ഗാന്ധി പറഞ്ഞു. സോണിയ ഗാന്ധിയുടെ പുസ്തകവുമായി ബന്ധപ്പെട്ട വിവാദത്തിൽ ഇപ്പോൾ പ്രതികരിക്കാൻ താൽപര്യമില്ലെന്നും അദ്ദേഹം വ്യക്തമാക്കി.
