റാപ്പര് വേടനെതിരെയുള്ള ബലാത്സംഗ കേസില് വിശദമായ തെളിവുശേഖരണത്തിന് പൊലീസ്. പരാതിക്കാരിയുടെ മൊഴിയില് പരാമർശിക്കുന്ന കാര്യങ്ങളുമായി ബന്ധപ്പെട്ട തെളിവുകള് ശേഖരിക്കും കൂടാതെ സാക്ഷികളുടെ മൊഴിയും രേഖപ്പെടുത്തും. അതിനുശേഷമാകും വേടനെ വിളിപ്പിക്കുകയും അറസ്റ്റടക്കമുള്ള നടപടികളിലേക്ക് കടക്കുകയും ചെയ്യുക.
അതിനിടെ കഴിഞ്ഞ ദിവസം വേടന് ഹൈക്കോടതിയില് നല്കിയ മുന്കൂര് ജാമ്യാപേക്ഷയില് പൊലീസ് നിലപാട് അറിയിക്കും. ജാമ്യത്തെ എതിര്ക്കുമെന്നാണ് വിവരം. തൃക്കാക്കര എസിപിയുടെ മേല്നോട്ടത്തിലാണ് നിലവില് അന്വേഷണം. കൂടാതെ വേടന്റെ സുഹൃത്തുക്കളുടെയുടെ മൊഴി രേഖപ്പെടുത്തും. പരാതിക്കാരി മജിസ്ട്രേറ്റ് കോടതിക്ക് മുമ്പാകെ നല്കിയ രഹസ്യമൊഴിയുടെ പകര്പ്പ് ലഭിച്ചശേഷമാകും വേടനെ ചോദ്യം ചെയ്യാന് വിളിപ്പിക്കുക.
