തൃശ്ശൂര്: ഹൈക്കോടതിയുടെ നിരോധനം മറികടന്നു ക്ഷേത്രക്കുളത്തിലും നടപ്പുരയിലും റീല്സ് ചിത്രീകരിച്ച യുവതിക്കെതിരെ ഗുരുവായൂര് ദേവസ്വം പൊലീസില് പരാതി. ബിഗ് ബോസ് താരം ജാസ്മിന് ജാഫര് എന്ന യുവതിയാണു ക്ഷേത്രത്തിന്റെ കുളപ്പടവുകളിലും നടപ്പുരയിലും വിഡിയോ ചിത്രീകരിച്ച് റീല്സ് ആയി ഇന്സ്റ്റഗ്രാമില് പോസ്റ്റ് ചെയ്തത്.
ക്ഷേത്രത്തില് ആറാട്ട് പോലെയുള്ള ചടങ്ങുകള് നടക്കുന്ന തീര്ഥക്കുളത്തിന്റെ പരിപാവനത ലംഘിച്ച് ഹൈക്കോടതിയുടെ നിരോധന മേഖലയില് വിഡിയോ ചിത്രീകരിച്ചതിന് ദേവസ്വം അഡ്മിനിസ്ട്രേറ്റര് ഒ.ബി.അരുണ്കുമാര് ടെംപിള് പൊലീസില് പരാതി നല്കി. പരാതി കോടതിക്ക് അയച്ചു. കോടതി നിര്ദേശപ്രകാരം അന്വേഷണം നടത്തും.
