മലപ്പുറം: ഒമ്പതുകാരിയെ ലൈഗികമായി പീഡിപ്പിച്ച ബന്ധുവിന് 110 വര്ഷം കഠിന തടവിന് വിധിച്ച് കോടതി. 8.21 ലക്ഷം രൂപ പിഴയും ചുമത്തി. പീഡനത്തിനിരയായ ബാലികയുടെ അമ്മയുടെ സഹോദരിയുടെ ഭര്ത്താവിന്റെ സഹോദരനായ 36 കാരനാണ് കേസിലെ പ്രതി. മഞ്ചേരി സ്പെഷല് പോക്സോ കോടതിയാണ് ശിക്ഷ വിധിച്ചത്.
പ്രതിയുടെ വീട്ടിലെത്തിയ ബാലികയെ ഫാന്സി ലൈറ്റ് കാണിച്ചു തരാമെന്ന് പറഞ്ഞ് കിടപ്പു മുറിയിലേക്ക് കൊണ്ടുപോയി പീഡനത്തിനിരയാക്കുകയായിരുന്നു. ബന്ധുവീട്ടിലേക്ക് പോകാൻ കുട്ടി വിമുഖത കാണിച്ചപ്പോൾ കാര്യം അന്വേഷിച്ച അമ്മയോടാണ് കുട്ടി പീഡന വിവരം വെളിപ്പെടുത്തിയത്.
അമ്മ വിവരം ചൈല്ഡ് ലൈനില് അറിയിക്കുകയും അരീക്കോട് പോലീസ് നേരിട്ടെത്തി കുട്ടിയുടെ മൊഴിയെടുക്കുകയുമായിരുന്നു. പിന്നീട് മറ്റൊരു ദിവലവും കുട്ടിയെ ഇയാൾ പീഡിപ്പിച്ചിരുന്നു. പ്രതിയെ ശിക്ഷയനുഭവിക്കുന്നതിനായി തവനൂര് സെന്ട്രല് ജയിലിലേക്ക് മാറ്റി.
