പഞ്ചാബ് : ഓപ്പറേഷൻ സിന്ദൂറിന്റെ പശ്ചാത്തലത്തിൽ പഞ്ചാബിലെ അമൃത്സറിൽ പാകിസ്ഥാൻ ആക്രമണത്തിനായി ഉപയോഗിച്ചത് തുർക്കി നിർമിത ഡ്രോണുകളെന്ന് കണ്ടെത്തി . ‘ബൈക്കർ യിഹ III കാമികാസെ’ എന്ന തുർക്കി നിർമിത ഡ്രോണുകളാണ് അമൃത്സറിൽ നിന്ന് കണ്ടെത്തിയത് . ഇന്ന് പുലർച്ചെ 5 മണിക്കാണ് പ്രദേശത്ത് പാക്കിസ്ഥാൻ ഡ്രോൺ ആക്രമണശ്രമം നടത്തിയത്.
എന്നാൽ ഈ ശ്രമം ഇന്ത്യൻ സൈന്യം പരാജയപ്പെടുത്തിയിരുന്നു. ജനവാസമേഘലയുള്ള സ്ഥലങ്ങളെ ലക്ഷ്യം വച്ചായിരുന്നു പാക്കിസ്ഥാൻ ആക്രമണമെന്ന് പ്രതിരോധ വൃത്തങ്ങൾ അറിയിച്ചിരുന്നു. രാജ്യ തലസ്ഥാനമായ ഡൽഹി ലക്ഷ്യമാക്കിയുള്ള മിസൈലുകളെ സൈന്യം ശക്തമായി പ്രതിരോധിച്ചു. ഹരിയാനയിലെ സിർസ മേഖലയിൽ മിസൈൽ അവശിഷ്ടങ്ങൾ കണ്ടെത്തി.
