കൊല്ലം: ശബരിമല സ്വര്ണക്കൊള്ള കേസില് റിമാന്ഡില് കഴിയുന്ന സിപിഎം നേതാവും ദേവസ്വം ബോര്ഡ് മുന് പ്രസിഡന്റുമായ എ പത്മകുമാറിന് രണ്ടാമത്തെ കേസിലും ജാമ്യം. ദ്വാരപാലക ശില്പ കേസിലാണ് കൊല്ലം വിജിലന്സ് കോടതി പത്മകുമാറിന് സ്വാഭാവിക ജാമ്യം അനുവദിച്ചത്.
ആദ്യം അറസ്റ്റിലായ കട്ടിളപ്പാളി കേസില് നേരത്തെ സ്വാഭാവിക ജാമ്യം ലഭിച്ചിരുന്നു. 90 ദിവസത്തെ റിമാന്ഡ് പൂര്ത്തിയായതോടെയാണ് ദ്വാരപാലകയിലും ജാമ്യ ഹര്ജി നല്കിയത്. എസ്ഐടി കുറ്റപത്രം സമര്പ്പിച്ചിട്ടില്ല. ഇതോടെ പത്മകുമാര് ഇന്ന് ജയില് മോചിതനാകും. കേസിലെ ഏഴ് പ്രതികള് ഇതിനോടകം ജാമ്യം നേടി പുറത്തിറങ്ങിയിരുന്നു. ഒന്നാംപ്രതി ഉണ്ണി കൃഷ്ണന് പോറ്റി അടക്കം അഞ്ച് പേര്ക്ക് സ്വാഭാവിക ജാമ്യമാണ് ലഭിച്ചത്.
