പന്തളം: ശബരിമലയില് മകരവിളക്കിനോടനുബന്ധിച്ചുള്ള തിരുവാഭരണ ഘോഷയാത്ര തുടങ്ങി. തൃക്കേട്ട രാജരാജ വര്മ്മയാണ് ഘോഷയാത്ര നയിക്കുന്നത്. പന്തളം വലിയകോയിക്കല് ക്ഷേത്രത്തില് പ്രത്യേക പൂജകള്ക്ക് ശേഷമാണ് തിരുവാഭര യാത്ര തുടങ്ങിയത്. ഗുരുസ്വാമി കുളത്തിനാല് ഗംഗാധരന് പിള്ളയടക്കം 26 അംഗ സംഘമാണ് ഇത്തവണയും തിരുവാഭരണം വഹിക്കുന്നത്.
പന്തളം വലിയകോയിക്കല് ധര്മശാസ്താ ക്ഷേത്രത്തില് നിന്ന് പുറപ്പെട്ട ഘോഷയാത്രയ്ക്ക് വിവിധയിടങ്ങളില് സ്വീകരണം നല്കും. കുളനട ഭഗവതിക്ഷേത്രം, പ്രയാര് മഹാവിഷ്ണു ക്ഷേത്രം, കൊട്ടാരത്തില് രാജരാജേശ്വരീ മണ്ഡപം, ഉള്ളന്നൂര് ദേവീക്ഷേത്രം, കുറിയാനപ്പള്ളി ദേവീക്ഷേത്രം, പാമ്പാടിമണ് അയ്യപ്പ ക്ഷേത്രം, അയിരൂര് പുതിയകാവ് ദേവീക്ഷേത്രം, തിരുവാഭരണപ്പാറ, ഇടക്കുളം അയ്യപ്പക്ഷേത്രം, വടശേരിക്കര ചെറുകാവ് ദേവീക്ഷേത്രം, ളാഹ വനംവകുപ്പ് സത്രം എന്ന 11 സ്ഥലങ്ങളില് ആഭരണപ്പെട്ടികള് തുറന്ന് ദര്ശനമുണ്ടാകും. ചൊവ്വാഴ്ച്ചയാണ് മകരവിളക്ക്.
