കൊച്ചി: ഭീകരർക്കെതിരെ ഇന്ത്യ നടത്തിയ ആക്രമണത്തിൽ പ്രതികരിച്ച് നടൻ മമ്മൂട്ടി. രാജ്യം ആവശ്യപ്പെടുമ്പോൾ ഇന്ത്യൻ ആർമി ഒപ്പമുണ്ടാകുമെന്ന് ഓപ്പറേഷൻ സിന്ദൂർ വീണ്ടും തെളിയിച്ചു എന്ന് മമ്മൂട്ടി കുറിച്ചു. നമ്മുടെ യഥാർത്ഥ ഹീറോകൾക്ക് സല്യൂട്ട് എന്നും സോഷ്യൽ മീഡിയ എക്സിൽ പങ്കുവെച്ച പോസ്റ്റിൽ മമ്മൂട്ടി കുറിച്ചു.
‘നമ്മുടെ യഥാർത്ഥ ഹീറോകൾക്ക് സല്യൂട്ട്! രാജ്യം ആവശ്യപ്പെടുമ്പോൾ ഇന്ത്യൻ ആർമി ഒപ്പമുണ്ടാകുമെന്ന് ഓപ്പറേഷൻ സിന്ദൂർ വീണ്ടും തെളിയിച്ചു. ജീവൻ രക്ഷിച്ചതിനും പ്രത്യാശ പുനഃസ്ഥാപിച്ചതിനും നന്ദി. നിങ്ങൾ രാഷ്ട്രത്തിന് അഭിമാനമാണ്, ജയ് ഹിന്ദ്!’, മമ്മൂട്ടി കുറിച്ചു. ഇന്ന് പുലർച്ചെ ആയിരുന്നു പഹല്ഗാം ഭീകരാക്രമണത്തിന് തിരിച്ചടിയായി പാകിസ്താൻ ഭീകര കേന്ദ്രങ്ങൾ ഇന്ത്യ ആക്രമിച്ചത്. ‘ഓപ്പറേഷന് സിന്ദൂര്’ എന്ന് പേരിട്ട സൈനിക ആക്രമണത്തില് പാക് അധീന കശ്മീരിലെ ഒന്പത് ഭീകര കേന്ദ്രങ്ങള് തകര്ത്തായിരുന്നു ഇന്ത്യയുടെ തിരിച്ചടി.
ജയ്ഷെ ഇ മുഹമ്മദ്, ലഷ്കർ ഇ ത്വയിബ ഭീകരകേന്ദ്രങ്ങൾ, പ്രധാനപ്പെട്ട പ്രസ്ഥാനങ്ങൾ എന്നിവ ലക്ഷ്യമിട്ടാണ് സേനകൾ ഓപ്പറേഷൻ നടത്തിയത്. പിന്നിൽ നിന്ന് ആക്രമിക്കാതെ തിരിച്ചടിക്കുമെന്ന് പരസ്യമായി പ്രഖ്യാപിച്ചതിനു ശേഷമാണു ഇന്ത്യ മിസൈൽ ആക്രമണം നടത്തിയത്. എന്നാൽ പാകിസ്താനിയുടെ സാധാരണക്കാരെ കൊലപ്പെടുത്തിയതിന്കൃത്യമായ സമയത് ഉചിതമായ മറുപടി നൽകുമെന്നാണ് പാകിസ്ഥാൻ പറഞ്ഞിരിക്കുന്നത്.
