തിരുവനന്തപുരം: സംസ്ഥാനത്ത് ഒന്പത് വര്ഷത്തിന് ശേഷം വീണ്ടും നദികളില് നിന്നുള്ള മണല്വാരലിന് വഴിയൊരുങ്ങുന്നു. ഇന്സ്റ്റിറ്റ്യൂട്ട് ഓഫ് ലാന്റ് ആന്റ് ഡിസാസ്റ്റര് മാനേജ്മെന്റ് സമര്പ്പിച്ച പ്രവര്ത്തന നടപടിക്രമത്തിന് റവന്യൂ വകുപ്പ് അംഗീകാരം നല്കി. സാന്ഡ് ഓഡിറ്റിങ്ങില് 11 ജില്ലകളിലായി ഒഴുകുന്ന 17 നദികളില് നിന്ന് മണല് വാരാനാണ് ശുപാര്ശ.
2016ലാണ് നദികളില് നിന്നുള്ള മണ്വാരല് നിരോധിച്ചത്. മണല് വാരുന്നതുമായി ബന്ധപ്പെട്ട് പാരിസ്ഥിതിക അനുമതി നിബന്ധനകള് ഏര്പ്പെടുത്തിയത് ആ വര്ഷമാണ്. തുടര്ന്ന് മാറ്റിയ കേന്ദ്ര മാര്ഗനിര്ദേശം അനുസരിച്ചാണ് വീണ്ടും സംസ്ഥാനത്തെ നദികളില് നിന്ന് മണല് വാരാന് സാഹചര്യമൊരുങ്ങുന്നത്. സംസ്ഥാനത്തെ 36 നദികളില് സാന്ഡ് ഓഡിറ്റ് നടത്തിയതില് 17 നദികളില് വന് തോതില് മണല് നിക്ഷേപമുണ്ടെന്ന് കണ്ടെത്തിയിരുന്നു.
ണല് വാരുന്നതിനുള്ള പാരിസ്ഥിതിക അനുമതി ലഭിക്കുന്നതിന് മാര്ഗനിര്ദ്ദേശം അതത് ജില്ലാ കലക്ടര്മാര് പുറപ്പെടുവിക്കും. ജില്ലാ സര്വെ റിപ്പോര്ട്ടിന്റെ അന്തിമ അനുമതി കൂടി ലഭിക്കുന്ന മുറയ്ക്ക് മണല്വാരല് പുനരാരംഭിക്കാന് കഴിയും.
