തിരുവനന്തപുരം: 2026 മാർച്ചിൽ നടന്ന ഹയർ സെക്കൻഡറി പരീക്ഷയുടെ വിശദമായ ഫലം വിദ്യാഭ്യാസ മന്ത്രി എൻ ഷംസുദ്ദീൻ പ്രഖ്യാപിച്ചു. സംസ്ഥാനത്തെ 1,990 സ്കൂളുകളിൽ നിന്നായി പരീക്ഷ എഴുതിയ വിദ്യാർത്ഥികളിൽ 2,90,398 പേരാണ് ഉപരിപഠനത്തിന് യോഗ്യത നേടിയത്. ഇത്തവണത്തെ ആകെ വിജയശതമാനം 77.97 ആണ്. കഴിഞ്ഞ വർഷം ഇത് 77.81 ശതമാനമായിരുന്നു. ഇതോടെ വിജയശതമാനത്തിൽ 0.16 ശതമാനത്തിന്റെ വർധനവാണ് രേഖപ്പെടുത്തിയത്.

പരീക്ഷാഫലത്തിൽ പെൺകുട്ടികൾ മികച്ച മുന്നേറ്റമാണ് കാഴ്ചവെച്ചത്. പെൺകുട്ടികളുടെ വിജയശതമാനം 86.89 ആണ്. കഴിഞ്ഞ വർഷത്തെ 86.65 ശതമാനത്തേക്കാൾ കൂടുതലാണിത്. അതേസമയം, ആൺകുട്ടികളുടെ വിജയശതമാനം 68.41 ആണ്. കഴിഞ്ഞ വർഷം ഇത് 68.44 ശതമാനമായിരുന്നു. ഇതോടെ ആൺകുട്ടികളുടെ വിജയനിരക്കിൽ ചെറിയ കുറവാണ് ഉണ്ടായത്. പെൺകുട്ടികളും ആൺകുട്ടികളും തമ്മിൽ വിജയശതമാനത്തിൽ ഏകദേശം 20 ശതമാനത്തിന്റെ വ്യത്യാസമുണ്ടെന്നതാണ് ഇത്തവണത്തെ പരീക്ഷാഫലത്തിലെ പ്രധാന പ്രത്യേകത.