തിരുവനന്തപുരം: സംസ്ഥാനത്ത് ഉയര്ന്ന താപനില മുന്നറിയിപ്പ് തുടരുന്നു. പത്ത് ജില്ലകളിലാണ് യെല്ലോ അലര്ട്ട് പ്രഖ്യാപിച്ചിരിക്കുന്നത്. ഇന്നും നാളെയും സാധാരണയേക്കാള് രണ്ട് മുതല് മൂന്ന് ഡിഗ്രി സെല്ഷ്യസ് വരെ താപനില ഉയരാമെന്നാണ് മുന്നറിയിപ്പ്. അള്ട്രാവയല്റ്റ് രശ്മികളുടെ വികിരണതോതും അപകടനിലയിലാണ്.
പാലക്കാട്, തൃശൂര്, കോഴിക്കോട്, മലപ്പുറം ജില്ലകളില് 37 ഡ്രിഗ്രി സെല്ഷ്യസ് വരെ താപനില ഉയരാന് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു. കോട്ടയം, എറണാകുളം, പത്തനംതിട്ട, കൊല്ലം, കണ്ണൂര്, കാസര്കോട് ജില്ലകളില് 36 ഡ്രിഗ്രി സെല്ഷ്യസ് വരെ താപനില ഉയരാനും സാധ്യതയുണ്ട്.
പകല്സമയം സൂര്യപ്രകാശം ശരീരത്തില് ഏറെ നേരും നേരിട്ട് ഏല്ക്കാതിരിക്കാന് പൊതുജനം ജാഗ്രത പാലിക്കണം. സൂര്യഘാത, സൂര്യതാപ സാധ്യത സാധ്യത കണക്കിലെടുക്കണമെന്നും മുന്നറിയിപ്പുണ്ട്. ശീതള പാനീയങ്ങള് തുടങ്ങിയവ പകല് സമയത്ത് ഒഴിവാക്കുക. അയഞ്ഞ, ഇളം നിറത്തിലുള്ള കോട്ടണ് വസ്ത്രങ്ങള് ധരിക്കുക തുടങ്ങിയ നിര്ദ്ദേശങ്ങളാണ് നല്കിയിരിക്കുന്നത്.
