മലപ്പുറം: മുതിർന്ന സിപിഎം നേതാവും പാർട്ടിയുടെ സംസ്ഥാന കമ്മിറ്റി അംഗവുമായ ഇ.എൻ. മോഹൻദാസ് അന്തരിച്ചു. പക്ഷാഘാതത്തെ തുടർന്ന് പെരിന്തൽമണ്ണയിലെ ഇഎംഎസ് ആശുപത്രിയിൽ ചികിത്സയിലിരിക്കെയായിരുന്നു അന്ത്യം. സിപിഎം മലപ്പുറം മുൻ ജില്ലാ സെക്രട്ടറിയായിരുന്ന അദ്ദേഹം ദേശാഭിമാനി മലപ്പുറം യൂണിറ്റിന്റെ മുൻ മാനേജരായും പ്രവർത്തിച്ചിരുന്നു. മൃതദേഹം മഞ്ചേരി മെഡിക്കൽ കോളേജിന് കൈമാറുമെന്ന് ബന്ധുക്കൾ അറിയിച്ചു.