ഛത്തീസ്ഗഢ് : മനുഷ്യക്കടത്തും മതപരിവര്ത്തനവും അരോപിച്ച് ജയിലില് കഴിയുന്ന കന്യാസ്ത്രീകളുടെ ജാമ്യാപേക്ഷ പരിഗണിക്കാതെ ദുര്ഗ് സെഷന്സ് കോടതി. പരിഗണിക്കാന് അധികാരമില്ലെന്ന് സെഷന്സ് കോടതി വ്യക്തമാക്കി. കന്യാസ്ത്രീകള് ജയിലില് തുടരും. മജിസ്ട്രേറ്റ് കോടതി അപേക്ഷ തള്ളിയത്തോടെയാണ് സെഷന്സ് കോടതിയില് അപ്പീല് നല്കിയത്.
മനുഷ്യക്കടത്ത് വകുപ്പ് ചുമത്തിയതിനാല് അധികാരപരിധിയില് വരില്ലെന്ന കാരണം ചൂണ്ടിക്കാട്ടിയാണ് ദുര്ഗ് സെഷന്സ് കോടതി ജാമ്യാപേക്ഷ പരിഗണിക്കാന് വിസമ്മതിച്ചത്. ബിലാസ്പൂര് എന്ഐഎ കോടതിയെ സമീപിക്കാനാണ് നിര്ദേശമെന്ന് ബജ്റങ്ദള് അഭിഭാഷകന് പറഞ്ഞു. ഇതിനാല് സിസ്റ്റര് പ്രീതി മേരി, സിസ്റ്റര് വന്ദനാ ഫ്രാന്സിസ് എന്നിവര് ദുര്ഗ് സെന്ട്രല് ജയിലില് തുടരേണ്ടിവരും.
കോടതിയ്ക്ക് മുന്നില് ബജ്റങ്ദള് പ്രവര്ത്തകര് ആഹ്ലാദപ്രകടനം നടത്തി. കന്യാസ്ത്രീകളെയും ഒപ്പമുണ്ടായിരുന്നവരെയും അധിക്ഷേപിച്ച ബജ്റങ്ദള് പ്രവര്ത്തകരാണ് കോടതിയ്ക്ക് മുന്നില് മുദ്രാവാക്യങ്ങളുമായി എത്തിയത്. മതപരിവര്ത്തനവും മനുഷ്യക്കടത്ത് ആരോപണങ്ങള് പ്രവര്ത്തകര് ആവര്ത്തിച്ചു.
