ലൈംഗിക ബന്ധത്തില് ഏര്പ്പെടുന്നത് കുട്ടി കാണാനിടയാകുന്നത് പോക്സോ നിയമപ്രകാരം കുറ്റമെന്ന് ഹൈക്കോടതി. തിരുവനന്തപുരം പോര്ട്ട് പൊലീസ് രജിസ്റ്റര് ചെയ്ത കേസിലാണ് കോടതിയുടെ നിരീക്ഷണം. ലൈംഗിക ഉദ്ദേശ്യത്തോടെയുള്ള നഗ്നശരീരം കുട്ടി കാണാനിടയാകുന്നത് പോക്സോ ആക്ട് പ്രകാരം കുറ്റകൃത്യമാണെന്ന് കോടതി വ്യക്തമാക്കി. അമ്മയും മറ്റൊരാളും തമ്മില് ലൈംഗിക ബന്ധത്തിലേര്പ്പെടുന്നത് മകന് കാണാനിടയായ സംഭവത്തിലാണ് കോടതിയുടെ പ്രതികരണം.
തിരുവനന്തപുരത്തെ ലോഡ്ജില് യുവാവും യുവതിയും തമ്മില് ലൈംഗിക ബന്ധത്തില് ഏര്പ്പെടുന്നത് യുവതിയുടെ പതിനാറ് വയസുകാരനായ മകന് കണ്ടിരുന്നു. തുടര്ന്ന് പതിനാറുകാരന് ഇത് ചോദ്യം ചെയ്യുകയും യുവാവ് കുട്ടിയെ മര്ദിക്കുകയും ചെയ്തു. സംഭവത്തില് കുട്ടിയുടെ അമ്മയെ ഒന്നാം പ്രതിയാക്കി പൊലീസ് കേസെടുത്തു. പോക്സോ ആക്ടിന് പുറമേ ഇന്ത്യന് ശിക്ഷാ നിയമം, ജുവനൈല് ജസ്റ്റിസ് ആക്ട് എന്നില പ്രകാരമുള്ള കുറ്റങ്ങളും ചുമത്തുകയായിരുന്നു.
