കൊച്ചി : വിയറ്റ്നാമിൽ നടക്കുന്ന ആഗോള ഫാഷൻ മത്സരത്തിൽ ഇന്ത്യയെ പ്രതിനിധീകരിച്ച് മത്സരിക്കുന്ന ഷിഫ ബാദുഷയ്ക്ക് ഇന്ന് സ്വീകരണം നൽകുന്നു. അന്താരാഷ്ട്ര കൗമാര സൗന്ദര്യ മത്സരമായ “മിസ്റ്റർ ആൻഡ് മിസ് ടീൻ സൂപ്പർ ഗ്ലോബ് “ന്റെ ദേശീയതല മത്സരത്തിൽ പങ്കെടുത്ത ശേഷം ഗോവയിൽ നിന്ന് കേരളത്തിലേക്ക് മടങ്ങിയെത്തുന്ന ഷിഫയ്ക്ക് നെടുമ്പാശ്ശേരി വിമാനത്താവളത്തിൽ വച്ച് ഇന്ന് വൈകിട്ട് 7pm മണിക്കാണ് സ്വീകരണം നൽകുന്നത്.

പ്രശസ്ത സിനിമാ നിർമ്മാതാവും പ്രൊഡക്ഷൻ കൺട്രോളറുമായ ബാദുഷയുടെയും മഞ്ജുവിന്റെയും മകളാണ്. പർപ്പിൾ റൂട്ട്സ് അടക്കമുള്ള കലാവേദികളിൽ മുഖ്യപങ്ക് വഹിച്ചിട്ടുള്ള ഷിഫ സിനിമകളിലും അഭിനയിച്ചിട്ടുണ്ട്. ജൂൺ മാസത്തിൽ വിയറ്റ്നാമിലാണ് ലോക ഫൈനൽ മത്സരം.