കോട്ടയം: പരിപ്പിലെ ‘തൊള്ളായിരം ഷാപ്പിൽ’ ഭക്ഷ്യവിഷബാധയുണ്ടായതായി സംശയം. സംഭവത്തിൽ ഒരാൾ മരിച്ചു. കുമരകം പള്ളിക്കോടംപറമ്പിൽ ജ്യോതിഷ് (39) ആണ് മരിച്ചത്. ഭക്ഷണം കഴിക്കുകയും കള്ള് കുടിക്കുകയും ചെയ്ത ശേഷമാണ് ആരോഗ്യപ്രശ്നങ്ങൾ ഉണ്ടായത്. സുഹൃത്തുക്കളായ ഏഴ് പേർ ചേർന്നാണ് ഷാപ്പിലെത്തിയത്. അവിടെ നിന്നും മീൻ ഉൾപ്പെടെ ഭക്ഷണം കഴിച്ച ശേഷം അഞ്ചുപേർക്കാണ് അസ്വസ്ഥതകൾ ഉണ്ടായത്. തുടർന്ന് ഇവരെ ആശുപത്രിയിൽ പ്രവേശിപ്പിച്ചു.

അഖിൽ, സുജിത്ത്, നിഖിൽ, ഗിരീഷ് എന്നിവരാണ് നിലവിൽ കോട്ടയത്തെ സ്വകാര്യ ആശുപത്രിയിൽ ചികിത്സയിൽ കഴിയുന്നത്. ഇവരുടെ ആരോഗ്യനില നിരീക്ഷണത്തിലാണ്. സംഭവത്തിൽ ഭക്ഷ്യവിഷബാധയാണ് കാരണമെന്ന സംശയത്തിലാണ് ആരോഗ്യവകുപ്പ് അന്വേഷണം നടത്തുന്നത്. കൂടുതൽ പരിശോധനകൾ നടക്കുകയാണ്.