കൊച്ചി: കൊച്ചിയിലെ സുഭാഷ് പാർക്ക് പുതിയ രൂപത്തിൽ സജ്ജീകരിച്ച് പൊതുഇടങ്ങളുടെ നവീകരണം പൂർത്തിയാക്കി. ആധുനിക ടോയ്ലറ്റ് ബ്ലോക്ക്, ഇന്ററാക്റ്റീവ് പ്ലേ ഏരിയ, ഓപ്പൺ ജിം എന്നിവ ഉൾപ്പെടെയുള്ള നവീകരണങ്ങൾ പങ്കാളിത്തത്തോടെ നടപ്പിലാക്കിയതായി ടൂറിസം വകുപ്പ് അറിയിച്ചു.
പാർക്കിലെ നവീകരണത്തിന്റെ പ്രധാന ലക്ഷ്യം ഭിന്നശേഷി സൗഹൃദം പാലിക്കുക എന്നതാണ്. ഭിന്നശേഷി സൗഹൃദ ടോയ്ലറ്റ് സംവിധാനം, ഫീഡിംഗ് റൂം, റീഡിംഗ് റൂം, മിനി കഫേടീരിയ എന്നിവ ഉൾപ്പെടുന്ന ടോയ്ലറ്റ് കോംപ്ലക്സ് കേരളത്തിലെ മറ്റുപാർക്കുകൾക്കുള്ള മാതൃകയായി നിലകൊള്ളുന്നു. ഇതിന് പുറമേ, മലിനജലം ശുദ്ധീകരിച്ച് പുനരുപയോഗിക്കാൻ സാധിക്കുന്ന സംവിധാനം ടോയ്ലറ്റ് കോംപ്ലക്സിൽ ഒരുക്കിയിട്ടുണ്ട്.
പാർക്കിലെ കുട്ടികളുടെ കളിസ്ഥലം, ഓപ്പൺ ജിം, ലാൻഡ്സ്കേപ്പിംഗ് എന്നിവയും നവീകരണ പദ്ധതിയുടെ ഭാഗമായി ഉൾപ്പെടുത്തി. “വിദേശരാജ്യങ്ങളിൽ കാണുന്ന സമാന സൗകര്യങ്ങൾ ഇനി കേരളത്തിലെ പൊതുഇടങ്ങളിലും ഒരുക്കും. കൊച്ചി നഗരത്തിലെ വളർച്ച കേരളത്തിലെ ടൂറിസത്തിന്റെ വളർച്ചയുമായി നേരിട്ട് ബന്ധപ്പെട്ടിരിക്കുന്നു.” എന്ന് ടൂറിസം മന്ത്രി പി.എ. മുഹമ്മദ് റിയാസ് പറഞ്ഞു
സുബാഷ് പാർക്കിന്റെ നവീകരണം, ടൂറിസം വകുപ്പിന്റെ ഡിസൈൻ പോളിസി ശിൽപശാലയുടെ ചുവടുവെപ്പിന് ശേഷമുള്ള പ്രധാന പദ്ധതികളിലൊന്നായി നിലവിൽ എത്തിയിട്ടുണ്ട്.
