തിരുവനന്തപുരം: ഉത്സവകാലത്ത് സര്ക്കാര് ഫലപ്രദമായ വിപണി ഇടപെടല് സാധ്യമാക്കുമെന്ന് ഭക്ഷ്യ പൊതുവിതരണ വകുപ്പ് മന്ത്രി ജി ആര് അനില്.
ജനങ്ങള്ക്ക് ആശ്വാസകരമായ രീതിയില് വിപണിയില് അവശ്യ സാധനങ്ങളുടെ വില നിയന്ത്രിക്കാന് സപ്ലൈക്കോയുടെ ഉത്സവ ഫെയറുകളിലൂടെ കഴിയും.
സപ്ലൈകോയുടെ ക്രിസ്മസ് – പുതുവത്സര ഫെയറിന്റെ സംസ്ഥാനതല ഉദ്ഘാടനം പുത്തരിക്കണ്ടം നായനാര് പാര്ക്കില് നിര്വഹിച്ചു സംസാരിക്കുകയായിരുന്നു മന്ത്രി.
തിരുവനന്തപുരം പുത്തരിക്കണ്ടം മൈതാനം, കൊല്ലം ആശ്രാമം മൈതാനം, പത്തനംതിട്ട റോസ് മൗണ്ട് ഓഡിറ്റോറിയം, കോട്ടയം തിരുനക്കര മൈതാനം, എറണാകുളം മറൈന്ഡ്രൈവ്, തൃശൂര് തേക്കിന്കാട് മൈതാനം എന്നിവിടങ്ങളിലാണ് ഫെയറുകള് നടത്തുന്നത്.
അതോടൊപ്പം സംസ്ഥാനത്തെ എല്ലാ താലൂക്കുകളിലും സപ്ലൈകോയുടെ ഒരു പ്രധാന വില്പനശാലയില് പ്രത്യേക ഫെയറുണ്ടാകും. ഡിസംബര് 31 വരെയാണ് ഫെയറുകള്നടക്കുക.
