കോഴിക്കോട്: ഇരുപത് വര്‍ഷത്തെ കാത്തിരിപ്പിനൊടുവില്‍ ജന്മനാട്ടിലെത്തിയ അബ്ദുല്‍ റഹീം ലോക മലയാളികള്‍ക്കും തന്നെ സഹായിച്ച എല്ലാവര്‍ക്കും നന്ദി അറിയിച്ചു. നാട്ടിലെത്താന്‍ സാധിക്കുമെന്ന് ഒരിക്കലും കരുതിയിരുന്നില്ലെന്നും ലഭിച്ച സ്വീകരണം ജീവിതത്തില്‍ മറക്കാനാകാത്തതാണെന്നും റഹീം മാധ്യമങ്ങളോട് പറഞ്ഞു. “വീട്ടിലേക്ക് ഇടയ്ക്കൊക്കെ മാത്രമാണ് വിളിക്കാനായിരുന്നത്. 15 മിനിറ്റ് സമയം മാത്രമേ ലഭിച്ചിരുന്നുള്ളൂ. അപ്പോള്‍ നാട്ടിലെ വിശേഷങ്ങളും ആളുകളെയും കുറിച്ച് ചോദിക്കുമായിരുന്നു. ഇങ്ങനെയൊരു വരവ് ഒരിക്കലും പ്രതീക്ഷിച്ചില്ല. ഇന്ന് നാട്ടിലെത്താന്‍ കഴിയുമെന്ന് കരുതിയതുമില്ല. എല്ലാവര്‍ക്കും ഒരുപാട് നന്ദി,” എന്നാണ് റഹീം പറഞ്ഞത്. മാധ്യമങ്ങള്‍ക്കും […]