പത്തനംതിട്ട: ക്ഷേത്രങ്ങളിലെ പാചകവാതക വിതരണത്തിന് മുൻഗണന നൽകാൻ സർക്കാർ ഇടപെടണമെന്ന് ആവശ്യപ്പെട്ട് തിരുവിതാംകൂർ ദേവസ്വം ബോർഡ് ഭക്ഷ്യ സിവിൽ സപ്ലൈസ് വകുപ്പിന് കത്ത് നൽകി. വഴിപാടുകളും നിവേദ്യങ്ങളും മുടങ്ങാതെ തുടരാൻ ഇത് ആവശ്യമാനെന്നത് വ്യക്തമാക്കുന്നു. പാചകവാതക വിതരണത്തിന്റെ മുൻഗണന പട്ടികയിൽ ക്ഷേത്രങ്ങളെയും ഉൾപ്പെടുത്തണമെന്നാണ് ബോർഡിന്റെ ആവശ്യം. അഡ്മിനിസ്ട്രേറ്റീവ് ഓഫീസർമാരുടെ ആവശ്യത്തെ തുടർന്ന് ദേവസ്വം കമ്മീഷണർ ആണ് ഈ ആവശ്യം സർക്കാരിനെ അറിയിച്ചത്. വഴിപാടുകൾ മുടങ്ങിയാൽ ക്ഷേത്രങ്ങളുടെ വരുമാനത്തെയും ബാധിക്കും. വഴിപാടുകളിൽ നിന്നാണ് ക്ഷേത്രങ്ങളുടെ പ്രധാന ചെലവുകൾ നിറവേറ്റുന്നത്. […]