തിരുവനന്തപുരം: ഡൽഹിയിൽ ലോക്‌സഭാ പ്രതിപക്ഷ നേതാവ് രാഹുൽ ഗാന്ധിക്കും എംപിമാർക്കും നേരെ പൊലീസ് നടത്തിയ നടപടി നരനായാട്ടാണെന്ന് പ്രതിപക്ഷ നേതാവ് വി ഡി സതീശൻ പറഞ്ഞു. പൊലീസ് മോശമായ രീതിയിലാണ് രാഹുൽ ഗാന്ധിയെയും എംപിമാരെയും അറസ്റ്റ് ചെയ്ത് നീക്കിയതെന്നും ശക്തമായ ബലപ്രയോഗം നടത്തിയെന്നും അദ്ദേഹം ആരോപിച്ചു. വിദ്യാർഥികളുടെ പ്രതിഷേധത്തോടും കേന്ദ്രസർക്കാർ ക്രൂരമായ സമീപനമാണ് സ്വീകരിച്ചതെന്നും അതിന്റെ തുടർച്ചയാണ് ഡൽഹിയിൽ കണ്ടതെന്നും വി ഡി സതീശൻ പറഞ്ഞു. സംഭവത്തിൽ ശക്തമായ പ്രതിഷേധം രേഖപ്പെടുത്തുന്നതായും സമരം തുടരുമെന്നും അദ്ദേഹം വ്യക്തമാക്കി. […]