ഇടുക്കി: സംസ്ഥാനത്ത് വേനൽചൂട് കനക്കുന്നതിനിടെ പ്രധാന അണക്കെട്ടുകളിലെ ജലനിരപ്പ് ഗണ്യമായി കുറയുന്നത് ആശങ്ക ഉയർത്തുന്നു. കേരളത്തിലെ ഏറ്റവും വലിയ ജലവൈദ്യുത പദ്ധതിയായ ഇടുക്കി ഡാമിൽ ഇപ്പോൾ സംഭരണ ശേഷിയുടെ ഏകദേശം 35 ശതമാനം മാത്രമാണ് ശേഷിക്കുന്നത്. ജലനിരപ്പ് കുറഞ്ഞതോടെ സംസ്ഥാനത്ത് വൈദ്യുതി ക്ഷാമസാധ്യത ശക്തമാകുകയാണ്. വരാനിരിക്കുന്ന കാലയളവിൽ വേനൽമഴയും തെക്കുപടിഞ്ഞാറൻ മൺസൂണും സാധാരണതിലും കുറവായിരിക്കാമെന്ന കാലാവസ്ഥാ റിപ്പോർട്ടുകളും ആശങ്ക വർധിപ്പിക്കുകയാണ്. കഴിഞ്ഞ വർഷത്തേക്കാൾ ഏകദേശം പത്ത് അടിയോളം കുറവാണ് ഇടുക്കി ഡാമിലെ നിലവിലെ ജലനിരപ്പ്, ഇപ്പോൾ 2335 […]