മഡ്രിഡ്/പാരിസ്: ഫ്രാൻസിലും സ്പെയിനിലും പടർന്നുപിടിച്ച് വൻ കാട്ടുതീ. 2,67,000-ത്തിലധികം ആളുകളെ വീടുകളിൽ നിന്ന് ഒഴിപ്പിച്ചു. ദുരന്തത്തിൽ ഒരാൾ കൂടി മരിച്ചതോടെ ഈ മാസം സ്പെയിനിൽ കാട്ടുതീയിൽപ്പെട്ട് മരിച്ചവരുടെ എണ്ണം 14 ആയി. 10 പേരെ ഇനിയും കണ്ടെത്താനുണ്ട്. മഡ്രിഡിന് സമീപമുണ്ടായ ഭീകര കാട്ടുതീ നിയന്ത്രണവിധേയമാക്കാൻ ശനിയാഴ്ച സ്പാനിഷ് അഗ്നിശമന സേനാംഗങ്ങൾ ശ്രമിച്ചെങ്കിലും, കാറ്റ് വെല്ലിവിളിയാവുകയാണ്. നഗരത്തിന് പടിഞ്ഞാറുള്ള ആകാശം പൂർണ്ണമായും കറുത്ത പുകയാൽ മൂടപ്പെട്ടിരിക്കുകയാണ്. “തീ നിലവിൽ അതിന്റെ ഏറ്റവും തീവ്രമായ അവസ്ഥയിലാണ്. ഇത് അണയ്ക്കുക എന്നത് […]