മലപ്പുറം: പൊതുസ്ഥലങ്ങളിൽ അനുമതിയില്ലാതെ സ്ഥാപിക്കുന്ന ബോർഡുകൾ, ബാനറുകൾ, കൊടിതോരണങ്ങൾ എന്നിവയ്ക്കെതിരെ മലപ്പുറം ജില്ലയിൽ നടപടി ശക്തമാക്കി. ഹൈക്കോടതി നിർദേശത്തിന്റെ അടിസ്ഥാനത്തിൽ ജില്ലയിലുടനീളം നടത്തിയ പരിശോധനയിൽ ഇതുവരെ 2.40 ലക്ഷം രൂപ പിഴ ഈടാക്കിയതായി അധികൃതർ അറിയിച്ചു. അനുമതിയില്ലാതെ സ്ഥാപിച്ച പരസ്യബോർഡുകളും മറ്റ് പ്രചാരണ സാമഗ്രികളും കണ്ടെത്തി നീക്കം ചെയ്യുന്നതിനൊപ്പം നിയമലംഘനം നടത്തുന്നവർക്കെതിരെ നിയമനടപടികളും സ്വീകരിക്കുന്നുണ്ട്. പൊതുനിരത്തുകളിലും റോഡരികുകളിലും നടപ്പാതകളിലും സ്ഥാപിക്കുന്ന ഇത്തരം ബോർഡുകൾ യാത്രക്കാർക്കും വാഹനഗതാഗതത്തിനും ബുദ്ധിമുട്ടുണ്ടാക്കുന്ന സാഹചര്യത്തിലാണ് പരിശോധന ശക്തമാക്കിയത്. പരിശോധന കൂടുതൽ കാര്യക്ഷമമാക്കുന്നതിനായി ജില്ലയിൽ […]