കൊച്ചി: വലിയ പ്രതീക്ഷകളോടെയാണ് എറണാകുളം ജില്ലയിലെ തിരഞ്ഞെടുപ്പ് ഫലം മുന്നണികൾ കാത്തിരിക്കുന്നത്. മുഴുവൻ 14 സീറ്റുകളും നേടി സർവകാല റെക്കോർഡ് സ്വന്തമാക്കാമെന്ന ആത്മവിശ്വാസത്തിലാണ് യു.ഡി.എഫ്., അതേസമയം നിലവിലുള്ള സീറ്റുകൾ നിലനിർത്താമെന്ന ഉറച്ച നിലപാടിലാണ് എൽ.ഡി.എഫ്. ജില്ലയിൽ യു.ഡി.എഫ്. തരംഗമുണ്ടെന്നും, എല്ലാ മണ്ഡലങ്ങളിലും വിജയ സാധ്യതയുണ്ടെന്നുമാണ് കോൺഗ്രസ് നേതൃത്വത്തിന്റെ വിലയിരുത്തൽ. 2001ലെ പോലെ വലിയ വിജയം ആവർത്തിക്കാനാകുമെന്ന പ്രതീക്ഷയും മുന്നണിക്ക് ഉണ്ട്. ഇടതുഭരണത്തിനെതിരായ വികാരം ശക്തമാണെന്നും, തദ്ദേശ തിരഞ്ഞെടുപ്പിൽ അത് പ്രകടമായിരുന്നുവെന്നും നേതാക്കൾ ചൂണ്ടിക്കാണിക്കുന്നു. എറണാകുളം, തൃക്കാക്കര, ആലുവ […]