കൊച്ചി: എറണാകുളം മഹാരാജാസ് കോളേജ് ഹോസ്റ്റലിൽ നിന്ന് കട്ടിലുകൾ മോഷ്ടിക്കാൻ ശ്രമിച്ച പൂർവ്വ വിദ്യാർത്ഥി അറസ്റ്റിൽ. അങ്കമാലി സ്വദേശി ആൻസ്റ്റനാണ് സെൻട്രൽ പൊലീസിന്റെ പിടിയിലായത്. ഇന്ന് പുലർച്ചെ ഹോസ്റ്റലിലെത്തിയ പ്രതി എട്ട് കട്ടിലുകൾ പിക്കപ്പ് വാനിൽ കെട്ടിവെച്ച് കടത്താനുള്ള ശ്രമത്തിനിടെയാണ് പിടിയിലായത്. മൊബൈൽ ആപ്പ് വഴി വാഹനം ബുക്ക് ചെയ്താണ് കട്ടിലുകൾ കൊണ്ടുപോകാൻ ശ്രമിച്ചതെന്ന് പൊലീസ് അറിയിച്ചു. സംശയം തോന്നിയ സെക്യൂരിറ്റി ജീവനക്കാരൻ ചോദ്യം ചെയ്തപ്പോൾ, “മൂട്ടയെ കൊല്ലാൻ മരുന്നടിക്കാനായി അങ്കമാലിയിലേക്ക് കൊണ്ടുപോകുന്നതാണ്” എന്നായിരുന്നു പ്രതിയുടെ മറുപടി. […]