ഫ്ലോറിഡ: അമേരിക്കയിലെ ഫ്ലോറിഡയിലെ കേപ് കനാവറൽ സ്‌പേസ് ഫോഴ്‌സ് സ്റ്റേഷനിൽ ബ്ലൂ ഒറിജിന്റെ ന്യൂ ഗ്ലെൻ റോക്കറ്റ് പ്രീ-ലോഞ്ച് പരീക്ഷണത്തിനിടെ പൊട്ടിത്തെറിച്ചു. മെയ് 28 വ്യാഴാഴ്ച വൈകുന്നേരം നടന്ന ഹോട്ട്‌ഫയർ പരീക്ഷണത്തിനിടെയാണ് അപകടം ഉണ്ടായത്. വിക്ഷേപണത്തിന് മുമ്പ് ഭൂമിയിൽ ഉറപ്പിച്ച നിലയിൽ എൻജിനുകൾ പ്രവർത്തിപ്പിച്ച് പരിശോധിക്കുന്നതിനിടെയായിരുന്നു സംഭവം. ഏഴ് BE-4 എൻജിനുകൾ ഉപയോഗിച്ച പരീക്ഷണത്തിനിടെ സാങ്കേതിക തകരാറാണ് അപകടത്തിന് കാരണമെന്നാണ് പ്രാഥമിക വിവരം. പരീക്ഷണത്തിന്റെ തുടക്കത്തിൽ എൻജിനുകൾ ശരിയായി പ്രവർത്തിച്ചെങ്കിലും പിന്നാലെ റോക്കറ്റിന്റെ അടിഭാഗത്ത് തകരാർ സംഭവിച്ചു. […]