കുവൈത്ത് സിറ്റി: നിയമലംഘനങ്ങൾ കണ്ടെത്തിയതിനെ തുടർന്ന് കുവൈത്തിൽ 15 സ്വകാര്യ ഫാർമസികൾ ഉടനടി അടച്ചുപൂട്ടാനും ലൈസൻസുകൾ റദ്ദാക്കാനും കുവൈത്ത് ആരോഗ്യ മന്ത്രി ഡോ. അഹമ്മദ് അൽ- അവാധി ഉത്തരവിട്ടു. മരുന്നുകളുടെ സുരക്ഷയും ഗുണനിലവാരവും ഉറപ്പാക്കുന്നതിനായി ആരോഗ്യ മന്ത്രാലയം നടത്തിയ കർശന പരിശോധനകൾക്ക് പിന്നാലെയാണ് ഈ നടപടി. 1996-ലെ 28-ാം നമ്പർ നിയമത്തിലെ വ്യവസ്ഥകൾ ലംഘിച്ചതായി മന്ത്രാലയത്തിന്‍റെ ഫാർമസ്യൂട്ടിക്കൽ ആൻഡ് ഫുഡ് കൺട്രോൾ കമ്മിറ്റികൾ നടത്തിയ അന്വേഷണത്തിൽ കണ്ടെത്തി. മരുന്നുകൾ വിതരണം ചെയ്യുന്നതിലെ അപാകതകൾ, ഔദ്യോഗിക ചട്ടങ്ങൾ പാലിക്കാതെ […]