ചെന്നൈ: തമിഴ്നാട്ടിൽ മലയാളി ടാക്സി ഡ്രൈവറെ പൊലീസ് ക്രൂരമായി മർദിച്ചതായി പരാതി. വൺവേ നിയമം ലംഘിച്ചെന്ന് ആരോപിച്ചായിരുന്നു മർദനമെന്നാണ് കൊല്ലം തഴുത്തല സ്വദേശി ഫെഡറിക് പറയുന്നത്. കഴിഞ്ഞ ജൂൺ 11ന് വിനോദസഞ്ചാരികളുമായി എത്തിയപ്പോഴാണ് സംഭവം നടന്നത്. ഓസ്ട്രേലിയയിൽ നിന്നെത്തിയ വിനോദസഞ്ചാരികളുമായി ഫെഡറിക് കന്യാകുമാരിയിൽ നിന്ന് രാമേശ്വരത്തേക്ക് പോയിരുന്നു. തിരികെ വരുന്നതിനിടെ രാമേശ്വരം റെയിൽവേ സ്റ്റേഷന് സമീപം ടെമ്പിൾ റോഡിൽ വെച്ച് ട്രാഫിക് പൊലീസ് വാഹനം തടഞ്ഞു. വൺവേ തെറ്റിച്ചെന്നാരോപിച്ച് പൊലീസ് തന്നെ കാറിൽ നിന്ന് വലിച്ചിറക്കി മർദിച്ചെന്നാണ് […]