പാലക്കാട്: അപ്രതീക്ഷിത പവർകട്ടിനെ തുടർന്ന് ചിറ്റൂർ നെഹ്റു ഓഡിറ്റോറിയത്തിൽ നടന്ന ജില്ലാ ജൂഡോ ചാമ്പ്യൻഷിപ്പ് വൈകി. ഇന്ന് രാവിലെ ആരംഭിച്ച ചാമ്പ്യൻഷിപ്പിന്റെ അവസാന ഘട്ടത്തിൽ രാത്രി 7.30ഓടെയാണ് വൈദ്യുതി മുടങ്ങിയത്. മുന്നറിയിപ്പില്ലാതെയുണ്ടായ പവർകട്ടിനെ തുടർന്ന് മൊബൈൽ ഫോണുകളുടെ വെളിച്ചത്തിലാണ് മത്സരം തുടർന്നത്. പിന്നീട് ജനറേറ്റർ പ്രവർത്തിപ്പിച്ച് മത്സരം പുനരാരംഭിക്കുകയായിരുന്നു. അതേസമയം, സംസ്ഥാനത്ത് വൈദ്യുതി നിയന്ത്രണത്തിന് മുന്നോടിയായി ഉപഭോക്താക്കൾക്ക് മൊബൈൽ ഫോണിൽ സന്ദേശം ലഭിക്കുന്ന സംവിധാനം കെഎസ്ഇബി ആരംഭിച്ചു. വൈദ്യുതി നിയന്ത്രണം ഏത് സമയത്തായിരിക്കുമെന്ന് കൺസ്യൂമർ നമ്പറുമായി രജിസ്റ്റർ […]