കൊച്ചി: ലൈംഗിക അതിക്രമ കേസിൽ അറസ്റ്റിലായ സംവിധായകൻ രഞ്ജിത്തുമായി ഇന്ന് പൊലീസ് തെളിവെടുപ്പ് നടത്തും. നടിയെ ഉപദ്രവിച്ചെന്ന ആരോപണമുള്ള കാരവാനിൽ എത്തിച്ചാണ് തെളിവുകൾ ശേഖരിക്കുക. സംഭവസമയത്ത് ഷൂട്ടിങ് സെറ്റിൽ ഉണ്ടായിരുന്ന രണ്ട് കാരവാനുകളും ഇതിനകം പൊലീസിന്റെ കസ്റ്റഡിയിലാണ്. യുവനടിയുടെ ലൈംഗിക പീഡന പരാതിയുടെ അടിസ്ഥാനത്തിലാണ് രഞ്ജിത്തിനെ പൊലീസ് കസ്റ്റഡിയിൽ എടുത്തത്. തിങ്കളാഴ്ച വരെ അദ്ദേഹത്തെ പൊലീസ് കസ്റ്റഡിയിൽ വെക്കാനാണ് എറണാകുളം സിജെഎം കോടതി അനുമതി നൽകിയിരിക്കുന്നത്. ജാമ്യാപേക്ഷ പരിഗണിച്ചപ്പോൾ, രഞ്ജിത്ത് ഗുരുതര കുറ്റകൃത്യം നടത്തിയെന്നാണ് പ്രോസിക്യൂഷന്റെ വാദം. […]