ബെംഗളൂരു: മറ്റൊരാളെ വിവാഹം ചെയ്തതിലുള്ള വൈരാഗ്യത്തെ തുടർന്ന് 18കാരിയെ മുൻ കാമുകൻ വീട്ടിൽ കയറി ആക്രമിച്ചു. ഗുരുതരമായി പരിക്കേറ്റ യുവതിയെയും പ്രതിയെയും ആശുപത്രിയിൽ പ്രവേശിപ്പിച്ചു. നന്ദിനി ദാസ് എന്ന യുവതിയെയാണ് മുൻ കാമുകനായ ബന്ദേ നവാസ് ആക്രമിച്ചത്. മൂന്ന് വർഷമായി ഇരുവരും പ്രണയത്തിലായിരുന്നുവെന്നും പിന്നീട് നന്ദിനി മറ്റൊരാളെ വിവാഹം ചെയ്തതിനെ തുടർന്നാണ് ആക്രമണം നടന്നതെന്നും പൊലീസ് അറിയിച്ചു. വ്യാഴാഴ്ച രാവിലെ വീട്ടിലെത്തിയ പ്രതി കത്തി ഉപയോഗിച്ച് നന്ദിനിയുടെ കഴുത്തിലും കൈകളിലും വാരിയെല്ലുകളിലും തുടകളിലും കുത്തിപ്പരിക്കേൽപ്പിച്ചതായാണ് പൊലീസ് പറയുന്നത്. […]