മലപ്പുറത്ത് പിഞ്ചുകുഞ്ഞിനെയടക്കം 7 പേരെ തെരുവ് നായ കടിച്ചു
മലപ്പുറം: പുത്തനങ്ങാടിയിൽ പിഞ്ചു കുഞ്ഞിനയടക്കം 7 പേരെ തെരുവ് നായ ആക്രമിച്ചു. അമ്മയുടെ തോളിൽ കിടന്ന 6 മാസം പ്രായമുള്ള കുഞ്ഞിനെയാണു നായ ചാടി കടിച്ചത്. കുഞ്ഞിനെയുൾപ്പെടെ മഞ്ചേരി മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ഇന്ന് വൈകിട്ട് അഞ്ചരയോടെ ആയിരുന്നു സംഭവം. ആദ്യം കുട്ടിയെ കടിച്ച നായ പിന്നീട് ആളുകൾക്കിടയിലേക്ക് ഓടിനടന്ന് പലരെയും കടിക്കുകയായിരുന്നു. പലരുടെയും ശരീരത്തിൽ ആഴത്തിലുള്ള മുറിവുകളുണ്ടെന്നാണു പുറത്ത് വരുന്ന വിവരം. അതെസമയം നായയെ ഇതുവരെ പിടികൂടാൻ സാധിച്ചിട്ടില്ല.
Read more
