ആലപ്പുഴ: ആലപ്പുഴ കാക്കാഴത്തെ അധ്യാപക പരിശീലന കേന്ദ്രത്തിൽ മോഷണം. എസ്എൻവി ടിടിഐയിൽ നിന്ന് പത്ത് സീലിംഗ് ഫാനുകളും ഇരുമ്പ് പൈപ്പും മോഷണം പോയി. ദേശീയപാതയ്ക്കരികിൽ കാക്കാഴം റെയിൽവേ മേൽപ്പാലത്തിന് കിഴക്കുഭാഗത്ത് പ്രവർത്തിക്കുന്ന സ്ഥാപനത്തിലാണ് മോഷണം നടന്നത്. കെട്ടിടത്തിന്റെ അറ്റകുറ്റപ്പണിയുടെ ഭാഗമായി സൂക്ഷിച്ചിരുന്ന ഫാനുകളാണ് മോഷ്ടാക്കൾ കൊണ്ടുപോയത്. കെട്ടിടത്തിന്റെ വാതിലുകൾ തകർത്താണ് മോഷണം നടത്തിയതെന്നാണ് വിവരം. വാതിൽ തുറന്നുകിടക്കുന്നത് ശ്രദ്ധയിൽപ്പെട്ട ജീവനക്കാരൻ നടത്തിയ പരിശോധനയിലാണ് സംഭവം പുറത്തറിയുന്നത്. അമ്പലപ്പുഴ പൊലീസ് കേസെടുത്ത് അന്വേഷണം ആരംഭിച്ചു. വിരലടയാള വിദഗ്ധർ സ്ഥലത്തെത്തി […]